PAGTAAS NG PRESYO NG BILIHIN
Sa kasalukuyan, isa sa pinakamabigat na suliranin na kinakaharap ng mga Pilipino ay ang patuloy na pagtaas ng presyo ng mga pangunahing bilihin. Mula bigas, gulay, hanggang langis at pamasahe, ramdam ng bawat pamilya ang epekto nito sa kanilang pang-araw-araw na pamumuhay. Hindi maikakaila na malaki ang epekto ng inflation sa karaniwang mamamayan. Ang isang kilong bigas na dati’y abot-kaya, ngayon ay nagiging pabigat sa bulsa ng mga pamilyang umaasa lamang sa sapat na kita kada araw. Dagdag pa rito ang pagtaas ng pamasahe na direktang nakakaapekto sa mga manggagawang araw-araw na nagbibiyahe papasok sa trabaho. Isa sa mga pangunahing dahilan nito ay ang kawalan ng sapat na lokal na produksyon at patuloy na pag-asa sa importasyon. Kapag tumaas ang presyo sa pandaigdigang merkado, agad din itong ramdam sa Pilipinas. Bukod pa rito, may mga isyu rin ng katiwalian at maling pamamahagi ng pondo na nagiging hadlang para masolusyunan ang problemang ito. Ang pinakamalungkot dito, ang mga ordina...